Лясное царства 2022 год

У верасні 2022 года ў лесапарку Сцяпянка ў раёне вул. Геалагічная – завул. Солтыса была адкрыта экалагічная сцежка «Лясное царства» агульнай даўжынёй 828 м з адзінаццаццю прыпынкамі. Сцежка ўключае як зоны для актыўнага адпачынку, так і зоны для ціхага і спакойнага вольнага часу. 3 з 11 прыпынкаў – гэта зоны актыўнага адпачынку для дзяцей розных узроставых груп:

• ад 3 да 7 гадоў – тут размешчаны пясочніца, горка, арэлі, качалкі-пружынкі і інфармацыйны стэнд «Рэдкія віды раслін экасцежкі»;
• ад 7 гадоў і старэй – на прыпынку ёсць вялікі мурашнік і стэнд «Мурашкі – санітары лесу», а таксама вяроўкавы гарадок;
• зона «Воркаўт» – для вулічнай гімнастыкі са спартыўнымі збудаваннямі і трэнажорамі.

Яшчэ 3 прыпынкі – зоны ціхага адпачынку са лаўкамі, альтанкай, гамакамі і арэлямі. Асаблівасць сцежкі – зона басаножнага хаджэння («барэфутынг») з 17 участкамі розных пакрыццяў і бочкамі для мыцця ног. У межах г. Мінска гэта адзіная сцежка з такім відам адпачынку. Зона абсталявана перыламі, што дазваляе далучыцца і людзям з парушэннем зроку.

Уздоўж усёй сцежкі размешчаны лаўкі для адпачынку і гаспадарчая зона з кантэйнерамі для раздзельнага збору смецця.